தமிழர் சமயம்

சங்க இலக்கியங்களில் இடம்பிடித்த தனித்துவம் மிகுந்த இமயமலை

இமயமலை மேற்கு - வடமேற்கு பகுதியிலிருந்து கிழக்கு வடகிழக்கு பகுதிவரை 2400 கிலோ மீற்றர் வட்டவில்லாக அமைந்துள்ளது. இதன் மேற்கில் உயர்ந்த சிகரமான நங்கா பர்பத் சிந்து நதியின் வடக்கு வளைவில் அமைந்துள்ளது. இதன் கிழக்கில் உயர்ந்த சிகரமான நம்சா பர்வா பரம்ஹபுத்ராவின் பெரிய வளைவில் மேற்கே அமைந்துள்ளது. மலைத்தொடரின் அகலம் மேற்கில் 400 கிலோ மீற்றரும் கிழக்கில் 150 கிலோ மீற்றரும் ஆகும்.

இமயமலையின் தாவரங்கள் மற்றும் விலங்கினங்கள் ஆகியன காலநிலை, மழை, உயரம், மற்றும் மண் கொண்டு மாறுபடும். மலை அடிரவாரத்தில் வெப்ப மண்டல காலநிலையும் மிக உயர்ந்த இடத்தில் பனிக்கட்டி மற்றும் உறைபனியாகவும் காணப்படுகிறது.

கடக ரேகையின் அருகே உள்ளதால் இதன் பனி வரி 5500 மீற்றர் ஆகும். இது உலகிலேயே உயர்ந்தவற்றில் ஒன்று. ஆண்டு மழை அளவு தெற்கு முகப்பில் மேற்கிலிருந்து கிழக்கு வரை அதிகரிக்கும் இத்தகைய உயர் மாறுபாடு, மழை அளவு, மண்ணின் நிலை மற்றும் மிக அதிக பனி வரி காரணமாக நிறைய தாவரங்களும் விலங்குகளும் உயிர் வாழ உதவுகிறது. உதாரணமாக தீவிர குளிர் மற்றும் அதிக உயரம் (குறைந்த காற்றழுத்தம்) காரணமாக உச்சவிரும்பிகள் உயிர் வாழுகின்றன.

இமயமலையின் தனித்துவமான தாவர மற்றும் விலங்கு வளங்களில் காலநிலை மாற்றம் காரணமாக கட்டமைப்பு மற்றும் இயைபு மாற்றங்கள் நடைபெற்று வருகின்றன. வெப்பநிலை அதிகரிப்பு காரணமாக பல இனங்கள் உயரமான இடங்களுக்கு சென்று உயிர் வாழ்கின்றன. கர்வால் இமயமலை பகுதியில் கருவாலி மரங்கள் இருந்த இடத்தில் தேவதாரு மரங்கள் வளர்கின்றன. சில மர இனங்களில் குறைந்த காலத்திலேயே பூத்தலும் பழுத்தலும் நிகழ்கின்றன.

நவீன கொள்கையின்படி இமயமலை இந்திய - அவுஸ்திரேலிய தட்டு மற்றும் யூரேசியன் கண்டங்களிடையே நிகழ்ந்த மோதலால் உருவாகியது. இதனையே மடிப்பு மலை என்று கூறுகிறோம்.

வடக்கு நோக்கி நகர்ந்த இந்திய - அவுஸ்திரேலிய தகடுக்கும் யுரேசியன் தகடுக்கும் 7 கோடி ஆண்டுகள் முன்பு இந்த மோதல் தொடங்கியது. 5 கோடி ஆண்டுகளுக்கு முன்பு இந்த வேகமாக நகரும் இந்திய - அவுஸ்திரேலிய தகடு முழுமையாக தெதைஸ் பெருங்கடலை மூடிவிட்டது. இதன் இருப்பு அங்குள்ள படிவப் பாறைகள் மற்றும் எரிமலைகள் மூலம் அறியப்படுகின்றது.

இந்த படிவுகள் அடர்த்தி குறைவாக இருந்ததால் அவை கடலின் கீழே போகாமல் ஒன்றுசேர்ந்து மலையை உருவாக்கின. இந்திய - அவுஸ்திரேலிய தட்டு கிடைமட்டமாக நகர்வதால் திபெத்திய பீடபூமி உயர்ந்து வருகிறது. மியன்மரில் உள்ள அரகான் யோமா உயர்நிலங்கள் மற்றும் வங்காள விரிகுடா பகுதியில் உள்ள அந்தமான் மற்றும் நிக்கோபார் தீவுகள் இந்த மோதலால் உருவாகியவையாகும்.

இன்றும் இந்திய அவுஸ்திரேலிய தட்டு வருடத்திற்கு 67 மி.மீ. நகர்ந்து வருகிறது. மற்றும் அடுத்த 10 மில்லியன் ஆண்டுகளில் இது ஆசியாவினுள் 1,500 கி.மீ. நகரும் இந்திய ஆசிய குவிதல் ஆண்டிற்கு 20 மி.மீ. தெற்கு இமாலய முகப்பின் அழுத்தத்தால் உறுஞ்சப்படுகிறது. இதனால் இமயமலை ஆண்டுக்கு 5 மி.மீ. உயர்கிறது. இந்திய தகடு ஆசிய தகடுகள் நுழைவதால் இப்பகுதியில் அடிக்கடி நிலநடுக்கம் ஏற்படுகின்றது.

இமயமலைப் பகுதி 15000 பனியாறுகளைக் கொண்டுள்ளது. அதில் 12000 கன கிலோ மீற்றர் தண்ணீர் உள்ளது. அதன் பனிப்பாறைகள் கங்கோத்ரி மற்றும் யமுனோதிரி (உத்தரகண்ட்) மற்றும் க்ஹும்பு பனிப்பாறைகள் (எவரெஸ்ட் பகுதியில்) மற்றும் சேமு (சிக்கிம்) ஆகியவை அடங்கும். இமயமலை வெப்ப மண்டலத்திற்கு அருகே இருந்தாலும் அதன் உயர் பகுதிக்குள் ஆண்டு முழுவதும் பனி நிறைந்து காணப்படுகிறது. இது பல வற்றாத ஆறுகளின் ஊற்றாகத் திகழ்கிறது. இவை இரண்டு பெரிய ஆறு அமைப்புகளாக உள்ளன.

மேற்கு ஆறுகள் சிந்து படுக்கையில் இணைகின்றன. இவற்றில சிந்து நதிதான் பெரிய நதி. சிந்து நதி திபெத்தில் உருவாகி தென்மேற்காகப் பாய்ந்து இந்தியா, பாகிஸ்தான் வழியாக அரபிக் கடலில் செல்கிறது. இந்நதி ஜீலம், செனாப், ரவி, பியாஸ் மற்றும் சட்லெஜ் ஆறுகளால் ஊட்டப்படுகிறது.

மற்றையது இமாலய நதிகளின் காங்கா - பிரம்மபுத்ரா படுகைக்கு செல்கிறது. இதன் முக்கிய நதிகள் கங்கை, பிரம்மபுத்ரா மற்றும் யமுனை பிரம்மபுத்ரா மேற்கு திபெத்தில் யார்லுங் டசன்கபோ நதியாக உருவாகி கிழக்கு திபெத் மற்றும் அசாம் சமவெளி வழியாக பாய்கிறது.

கங்கை மற்றும் பிரம்மபுத்திரா பங்களாதேசத்தில் சேர்ந்து உலகின் மிகப்பெரிய ஆற்றுப் படுகை வழியே சென்று வங்காள விரிகுடாவில் கலக்கிறது.

சல்வீன், மீகாங், யாங்சே மற்றும் ஹுவாங் ஹி (மஞ்சள் ஆறு) திபெத்திய பீடபூமியில் உருவாகின்றன. ஆகையால் இவை உண்மையான இமயமலை ஆறு அல்ல. சில புவியியலாளர்கள் இந்த ஆறுகளை 'வெளிச்சுற்று இமாலய ஆறுகள்' என்று அழைக்கின்றனர். சமீபத்திய ஆண்டுகளில் விஞ்ஞானிகள் உலக காலநிலை மாற்றத்தின் விளைவாக அப்பகுதியில் உள்ள பனிப்பாறைகள் குறைவு விகிதம் ஒரு குறிப்பிடத்தக்க அதிகரிப்பை கண்டுள்ளனர்.

எடுத்துக்காட்டாக, பனிப்படல ஏரிகள் கடந்த சில தசாப்தங்களில் பூட்டான் இமயமலை பகுதியில் குப்பைகள் உள்ளடங்கிய பனிப் பாறைகளின் மேற்பரப்பில் வேகமாக உருவாகி வருகின்றன. இந்த விளைவு பல ஆண்டுகளாக உணரப்படாது என்றாலும், உலர் பருவங்களில் பனிப்பாறைகளால் உருவாகும் ஆறுகளை சார்ந்து இருக்கும் கோடிக்கணக்கான மக்களுக்கு பேரிழப்பு ஏற்படும்.

இமயமலை பகுதியில் நூற்றுக்கணக்கான ஏரிகள் உள்ளன. பெரும்பாலான ஏரிகள் 5,000 மீற்றர் உயரத்திற்கு கீழே உள்ளன. அதன் பரப்பு உயரத்திற்கு ஏற்றவாறு குறைந்துள்ளது.

இமயமலை இந்திய துணைக் கண்டம் திபெத்திய பீடபூமி பகுதியில் உள்ள காலநிலையில் அதிக பாதிப்பை ஏற்படுத்துகிறது. இவை பருவக்காற்றை வடக்கு நோக்கி செல்வதைத் தடுத்து டேராய் பகுதிகளில் கன மழை பெய்ய உதவுகிறது.

இந்து மதத்தில் இமயமலை ஹிமவட் கடவுளாக உருவகப்படுத்தப்பட்டுள்ளது. (பனிக்கடவுள்) இது மகாபாரதத்தில் குறிப்பிடப்பட்டுள்ளது. அவர் பார்வதி கங்கா மற்றும் சரஸ்வதியின் தந்தை ஆவார்.

இமயமலையில் உள்ள பல இடங்கள் இந்து சமண, சீக்கிய மற்றும் பெளத்த மதங்களில் முக்கியத்துவம் வாய்ந்தவை.

இமய மலையின் உயரமான பரவலினால் ஆயிரக்கணக்கான ஆண்டுகளாக அம்மவை இந்தியாவின் இயற்கை அரணாக விளங்குகிறது. இந்திய துணைக் கண்டத்தினை மங்கோலிய, சீன மக்களின் நாகரிகத்திலிருந்து பிரிக்கின்றது. உதாரணமாக செங்கிஸ்கானின் படையின் இந்தியாவின் ஆக்கிரமிப்பை கட்டுப்படுத்தியதில் இமயமலைக்கு பங்கு உண்டு.

தமிழ் சங்க இலக்கியங்களிலும் இமயம் இடம்பெற்றுள்ளது.

அதுபற்றிய விபரங்கள் வருமாறு:

* சேரலாதன் கடம்ப மரத்தை வெட்டிக் கடம்பரை ஓட்டிய பின்னர் இமயத்தில் வில்லைப் பொறித்தான்.

* வஞ்சி நகருக்குப் பெருமை அதன் அரசன் வானவன் இமயத்தில் வில்லைப் பொறித்தது.

* இமயவரம்பன் நெடுஞ்சேரலாதன் இமயத்தில் தன் முத்திரையாகிய வில்லைப் பொறித்தான்.

* இந்தியாவில் இமயப் பகுதி அரசர்கள் குமரிமுனை வரையில் கைப்பற்றக் கனவு கண்டனர்.

* கொண்டல் மழை இமயத்தைத் தீண்டிப் பொழியும்.

* தலைவி ஒருத்தி இமயம் ஆடினாலும் தன் காதலனின் பண்பு ஆட்டங்கூடக் காணாது என்கிறாள்.

* அரவணையான் புகழ் இமயத் துக்கு அப்பாலும் பரவ வேண்டும் என்று புலவர் திருமாலை வாழ்த் துகிறார்.

* பொன்னுடை நெடுங்கோட்டு இமயம் போன்ற வேழம் பரிசாகத் தருக என்கிறார் ஒரு புலவர்.

* சிவன் திரிபுரம் எரித்த போது இமயம் அவனுக்கு வில்லாயிற்று.

* அந்தி வந்ததும் அந்தணர் தம் கடமையாக முத்தீ வளர்க்கும் இடங்களுள் ஒன்று இமயம்.

* திருபரங்குன்றம் புகழால் இமயக் குன்றுக்கு ஒப்பானது.