(கு-உ) கலைநிரம்பி- கதிர்நிறைந்து. கண்ணின் நிலை-கண்ணால் பார்க்கும் நிலையில். நிரம்பும் நீர்மைத்து- நிறைந்திருக்கும் தன்மையுடையது. தொலைவுஇலா- அழிவில்லாத. வான்- வானம். “வள்ளுவர் முப்பால் நூல் நயத்தினால் வரும் வயன் தொலைவுஇலா வான்ஊர் மதியம் தனக்கு உண்டோ” என்று மாற்றிப் பொருள் கொள்க.
(கு-உ) திருக்குறள் மக்கள் மன இருட்டை நீக்கும் விளக்காகும். அறம் அகல்; பொருள்திரி; இன்பம் நெய்; செஞ்சொல் தண்டு; குறள்வெண்பா தீ. இவ்வாறு அமைந்தது திருக்குறள் விளக்கு. ஆன்ற-சிறந்த. ‘செம்சொல் தண்டு; தீ குறும்பாவா’ என்று மாற்றிப் பொருள் கொள்ளுக.
திருவள்ளுவமாலை - 48:குலபதிநாயனார் -Kulapathi Naayanaar உள்ளக் கமலம் மலர்த்தி யஉளத்துள்ள தள்ளற்கு அரிய இருள் தள்ளுதலால்-வள்ளுவனார் வெள்ளைக் குறட்பாவும் வெங்கதிரும் ஒக்கும் எனக் கொள்ளத் தகும் குணத்தைக் கண்டு. மனித நெஞ்சம் ஆகியத் தாமரை மலரைத்தி விரியச் செய்து மக்களது அகத்தில் உள்ள அஞ்ஞான இருளை நீக்குதலால் வள்ளுவனார் திருக்குறளும்; தன் வெப்பக் கதிரால் குளத்தில் உள்ள தாமரை மலரை மலர்த்தி விரிக்கின்ற சூரியன் செய்வதால் -இந்தச் செய்கையை கொண்டு ஒக்கும் என்று கொள்ளத்தகும்
(கு-உ) குறளும் சூரியனும் ஒரு தன்மையுடையன என்று கூறுகிறது இச்செய்யுள். தள்ளற்கு அரிய இருள்- நீக்க முடியாத அறியாமை என்னும் இருட்டை. வெள்ளைக்குறட்பா- குறள் வெண்பா.
திருவள்ளுவமாலை - 49:தேனீக் குடிக்கீரனார் -Thaenee Kudikkeeranaar பொய்ப்பால பொய்யேயாய்ப் போயினபொய் அல்லாத மெய்ப்பால மெய்யாய் விளங்கினவே-முப்பாலில் தெய்வத் திருவள்ளுவர் செப்பிய குறளால் வையத்து வாழ்வார் மனத்து. தெய்வத்தின்மையை உடைய திருவள்ளுவ நாயனார் முப்பால் என அறம்-பொருள்-இன்பம் என்ற மெய்யியல் நூலை கற்று/கேட்டு அறிவதால் இந்த உலகத்தில் வாழ்வோர் மனதினுள் இருந்த பொய்யின் பகுதியில் பட்டவை எல்லாம் பொய்யாகவே போயின; கசடற கற்றவர்கள் பொய் இல்லாத மெய்களை மெய் என உணர்ந்து கொண்டனர்
குறளாற்பொய்ப்பாலபொய்யேயாய்ப்போயினமெய்ப்பாலமெய்யேயாய்விளங்கின. எனவே, இதற்குமுன்னெல்லாம்உண்மைதுணியப்படாமையின்பொய்ப்பாலமெய்ப்பாலபோன்மேற்கொள்ளப்பட்டும், மெய்ப்பாலபொய்ப்பாலபோற்கைவிடப்பட்டும்மயங்கிக்கிடந்தனவென்றதாயிற்று, இதன்மெய்யுணர்வுபயத்தற்சிறப்புச்சொல்லியபடி.(௪௰௯)
திருவள்ளுவமாலை - 50:கொடிஞாழன் மாணிபூதனார் - KodiNyaazlan Maaniboothanaar அறன் அறிந்தேம் ஆன்ற பொருள் அறிந்தேம் இன்பின் திறன் அறிந்தேம் வீடு தெளிந்தேம்- மறன் எறிந்த வாளார் நெடுமாற வள்ளுவனார் தம்வாயால் கேளாதன எல்லாம் கேட்டு. பகைவரை தன் வாள்ப்படையால் வென்ற பாண்டிய அரசனே! திருவள்ளுவர் அருளிய திருக்குறள் வழியாக, இதற்கு முன்பு அறியாமல் இருந்தவை எல்லாம் கேட்டு; அறத்தின் பயனையும், பொருளின் தன்மையையும், இன்பத்தின் த்றத்தையும்; மனிதன் பிறந்து-இறந்து மீண்டும் பிறந்து எனத் தொடரும் பிறவிபெருங்கடல் நீந்திக் கடந்து மோட்சம் எனும் வீடு அடையும் வழியினை நாற்பொருளின் இயல்பையும் நன்றாய் அறிந்து கொண்டோம்.
